Вчера, околу 15.10 часот, во СВР Штип било пријавено дека на регионалниот пат Штип – село Кадрифаково, во близина на надвозникот, се случила сообраќајна несреќа помеѓу патничко возило „фолксваген“, со велешки регистарски ознаки, управувано од С. В. (52), патничко возило „фиат“, со светиниколски регистарски ознаки, управувано од Л. Х. (51), двајцата од с. Мустафино, Светиниколско, и патничко возило „опел“, со светиниколски регистарски ознаки, управувано од И. Д. (38) од с. Анзибегово, Светиниколско.
Во несреќата тешки телесни повреди добил возачот на „опелот“, И. Д., а телесни повреди добиле возачот на „фиатот“, Л. Х., сопатниците од возилото „опел“, Б. С. (24) и Ф. Х. (26), двајцата од Свети Николе, и сопатникот од возилото „фолксваген“, Д. П.(34) од Велес, констатирани во Клиничката болница Штип.
Увид на местото на настанот извршила екипа од СВР Штип.
