Министерката за труд и социјална политика, Јованка Тренчевска заедно со претставници од министерството за труд и социјална политика и други институции, денеска отпатува во Брисел, на билатерален состанок во рамки на скрининг процесот со Европската комисија.
Билатералниот состанок започнува со тема „Европскиот столб на социјални права“ на која министерката Тренчевска ќе говори за националните клучните реформи и иницијативи како и предизвици и идни планови во однос на 20-те начела на Европскиот столб за социјалните права кои ја претставуваат Општата стратегија за посилна социјална Европа.
Во периодот од 10 до 12 мај претставници на министерството и други институции ќе зборуваат во полето на Поглавје 3.19 – Вработување и социјална политика, кое е дел од Кластерот 3 Конкурентност и инклузивен раст.
Поглавјето 3.19 Вработување и социјална политика опфаќа седум подрачја, односно: трудово право, Безбедност и здравје при работа, Социјален дијалог, Политика на вработување и Европски социјален фонд, Социјална вклученост, Социјална заштита и Антидискриминација и еднакви можности.
Делегацијата за Поглавје 19 на Северна Македонија се состои од членови, главно, од Министерството за труд и социјална политика, но и претставници на други институции и тоа: Министерство за транспорт и врски, Државен инспекторат за труд, Државен инспекторат за техничка инспекција, Институт за медицина на трудот, Фонд за здравствено осигурување на Република Северна Македонија и Агенцијата за вработување на Република Северна Македонија заради специфичноста на одредени области опфатени со Поглавје 19.
Можеби ќе ве интересира…
На Самитот на Европската политичка заедница во Молдавија, премиерот Димитар Ковачевски се сретна со германскиот канцелар Олаф Шолц, кој ја повторил силната поддршка на Германија за интеграцијата на Северна Македонија… Прочитај повеќе
Зоран БОЈАРОВСКИ Весна Дамева, член на Судскиот Совет и претседателка на ова тело од декември минатата година до 26 април годинава, кога беше разрешена од оваа должност, учествувала во постапки… Прочитај повеќе
Управата за јавни приходи објавува Листа на должници бр.05/2023 за долгови доспеани до 31.01.2023 и неплатени до 30.04.2023 година по основ на ДДВ, данок на добивка, персонален данок на доход,… Повеќе
Во тек е процесот за носење на законските измени со кои максималната камата нема да смее да го надминува. Тоа значи доколку некој граѓанин зел 10.000 денари, максимум за камати… Повеќе