Само љубезноста, меѓусебната почит и толерантното однесување можат да придонесат кон градење на мирна и хармонична училишна средина во која вие младите ќе се посветите на учењето и ќе се натпреварувате со знаења, наместо да прифаќате трендови кои можат да доведат до нарушување на меѓусебните односи и дефокусирање од суштината на воспитно – образовниот процес. Затоа е важна честата дискусија и во рамки на училиштето и во рамки на семејството за вредностите со кои ќе станете уште подобри луѓе.
Ова е пораката која министерот за образование и наука Јетон Шаќири ја упати денеска на дружбата со учениците од струшкото средно училиште „Нико Нестор“ за време на која беа разменети искуства и идеи за тоа како да се елиминираат сите облици на меѓуврсничко насилство.
„Од вас слушнав многу конструктивни предлози и вие, всушност точно знаете што е потребно за зачувување на училишниот мир. Дел од овие идеи ќе бидат вметнати во протоколите кои ги подготвуваме во моментов, а ќе служат за постапување во рамки на училиштата при детекција на случаи на насилство“, рече Шаќири.
Тој додаде дека кај сите граѓани е зголемена свесност за последиците од насилството, кои, како што рече, можат да бидат катастрофални, какви што беа во соседна Србија и затоа сите треба да се залагаме за елиминирање на потенцијалните фактори кои би можеле да иницираат насилно однесување кон поединци или групи на ученици.
„Да промовираме мир, соживот и пријателство, наместо омраза и насилство. Превенцијата е најважна, но и доколку се случи меѓуврсничко, или било каква форма на насилство врз младите од повозрасните, тоа не смее да се премолчува. Затоа и отворивме електронска адреса prijavinasilstvo@mon.gov.mk на која секој може да достави пријава по која веднаш ќе се постапува“, рече Шаќири, додавајќи дека насилството не треба да биде решение во ниедна ситуација и дека тоа претставува немоќ, а љубезноста моќ.
Можеби ќе ве интересира…
Mртви сте уморни и едвај чекате да одите во кревет. Но, мозокот не мирува и мислите ви поминуваат низ главата… Се разбира, во тој случај нема шанси да заспиете. За… Прочитај повеќе
Сите можеме да се чувствуваме несигурни кога започнуваме нови врски, прашувајќи се дали некој навистина нè сака. Никој од нас не чита мисли, но нашето однесување може да даде прилично… Прочитај повеќе
Десетици измамени граѓани се соочиле да плаќаат рати од туѓи подигнати брзи кредити. Само во 2022 година евидентирани се 43 случаи на измами со брзи кредити, велат од МВР за… Повеќе
На девизните берзи вредноста на доларот во однос на кошницата валути порасна, по минатонеделниот пад. Индексот на доларот, кој ја покажува вредноста на американскиот долар во однос на другите шест… Повеќе