„Во сите преговори македонскиот јазик бил нашата црвена линија, никогаш за македонскиот јазик и идентитет не сме преговарале,“ истакна вицепремиерот Бојан Маричиќ, на панел-дискусијата за афирмација на македонскиот јазик и неговото кирилско писмо по повод Ден на македонскиот јазик.
„Преговаравме за македонскиот јазик да стане рамноправен член во клубот на мултијазичната Европска Унија. Успеавме да го вметнеме во преговарачката рамка како јазик на кој се преведува европското законодавство и на кој се потпишуваат договорите и се водат преговорите со ЕУ. За 2022-2023 година, Секретаријатот за европски прашања има приближно 60 илјади преведени страници од правото на ЕУ (aquis), од Службениот весник на Европската Унија или 49.126 авторски страници“, истакна Маричиќ на неговата фејсбук страница.
