Премиерот Димитар Ковачевски упати честитки по повод Денот на македонскиот јазик – 5 Мај до Филолошкиот факултет „Блаже Конески“ во Скопје, како и до Институтот за македонски јазик „Крсте Мисирков“ во Скопје.
Владата на Република Северна Македонија во 2019 година овој ден го прогласи за Ден на македонскиот јазик во чест на 5 мај 1945 година кога првата влада на Народна Република Македонија ја усвоила азбуката на македонскиот јазик како официјално писмо.
„Македонскиот јазик денес е познат и признат како столб на нашиот народ и е втемелен во европското законодавство. Првпат, со потпишувањето на договорот со ФРОНТЕКС, неговиот статус како рамноправен со сите други јазици што се зборуваат во Европската Унија е неприкосновен“, вели Ковачевски. Тој потенцира дека како надополнување на досегашните активности Владата на Република Северна Македонија иницира донесување нов закон за употребата на македонскиот јазик, со кој ќе се прошират областите во кои задолжително се употребува македонскиот стандарден јазик и неговото кирилско писмо, како и воведување нова државна награда за оддавање признание на високи стручни и научни достигнувања од областа на македонскиот јазик во земјата и странство, која се предлага да го носи името на нашиот великан Блаже Конески.
Во честитката до Институтот за македонски јазик „Крсте Мисирков“ во Скопје, Ковачевски вели:
„Заедно со вас им дадовме поддршка на активностите за континуирана афирмација на македонскиот јазик преку реализација на интернет-платформата makedonski.gov.mk, на која е поставен дигитализираниот Толковен речник на македонскиот јазик. Толковниот речник се надоврза на претходната иницијатива на Владата кога беше дигитализиран и Правописот на македонски јазик, а ја поддржавме и дигитализацијата на сите картотеки во Институтот за македонски јазик, каде што по повеќе од 20 години, овозможивме вработување на 17 млади луѓе, со што ја докажуваме грижата за македонскиот јазик на дело. Со вашата континуирана несебична поддршка и афирмација на македонскиот јазик, преточена во конкретни активности, покажавте како се сака, почитува и негува нашето скапоцено културно наследство, кое ќе остане како аманет за идните генерации“, истакнува Ковачевски.
Можеби ќе ве интересира…
Во моментов Европската Унија е заинтересирана да го штити европскиот континент и го гледа забрзаното проширување како безбедносен влог, истакна поранешната министерка за одбрана Радмила Шеќеринска за време на панел-… Прочитај повеќе
Периодов јасно се гледа дека постои поделбата на проевропски и анти-ЕУ блок, рече пратеникот на СДСМ Ненад Коциќ во гостувањето во Телма телевизија. Тој обвини дека во однос на процесот… Прочитај повеќе
Српските медиуми ги информираа своите граѓани дека во Македонија горивата се најевтини од сите земји во близина. Пресметките покажуваат дека во земјава се точи најевтин бензин и дизел гориво. Еден… Повеќе
До брз кредит може да се дојде многу лесно со обично покажување на лична карта или со аплицирање онлајн, па така десетици граѓани од Македонија завршија со злоупотребени податоци, при… Повеќе