Фејсбук статус на Оливер Спасовски:
Денеска, во Домот на хуманитарни организации во Скопје „Даре Џамбаз”, на моја особена чест, од страна на Националната Федерација за спорт и рекреација на инвалидите на Северна Македонија Параолимпискиот Комитет на Северна Македонија, ми беше укажано признание за поддршка и афирмација на спортот на лицата со инвалидност. Притоа, од страна на раководството бев запознаен со идните активности, за кои давам силна и недвосмислена поддршка – секогаш ќе бидам тука за ранливите категории граѓани, во овозможувањето живот без бариери и без дискриминација, со еднакви права како сите останати.
Во оваа прилика, упатувам срдечни честитки до моите пријатели кои се занимаваат со спортот, а кои не дозволуваат инвалидитетот да стане пречка, туку со борбеност и посветеност остѕваруваат големи успеси. Особено го поздравувам мојот сограѓанин, Бранимир Јовановски, кој има извонредни резултати во својата 20-годишна спортска кариера, во која како прв македонски параолимпиец има освоено златен медал на една параолимпијада, како и други бројни меѓународни признанија. Избран е и за најдобар тренер на македонската репрезентација во стрелаштво за лица со попреченост, при што заедно со македонската параолимпијка, светски шампион, Оливера Наковска Бикова, имаат континуитет на успеси во богатата спортска кариера.
НАЈЧИТАНО НА ИНТЕРНЕТ...
