Четириесет и девет земји, меѓу кои и Северна Македонија, како и Европската унија ја осудија Русија за злоупотреба на овластувањата и привилегиите како постојана членка на Советот за безбедност на Обединетите нации за ширење дезинформации за нејзиното широко распространето киднапирање и незаконска присилна депортација на илјадници украински деца, пренесува Укринформ.
Релевантното заедничко соопштение беше издадено од овие земји како одговор на руската средба според формулата Arria за незаконска присилна депортација на деца од страна на Руската Федерација во Украина.
Според соопштението, бројни веродостојни извори го свртеле вниманието на незаконската присилна депортација на децата од Украина во Руската Федерација.
„Овие дејствија за осуда се случија во контекст на целосната инвазија на Руската Федерација и нелегалната агресивна војна против Украина, што ние безрезервно ја осудуваме“, се вели во соопштението.
Ниту една количина на дезинформации што ги шири Русија не може да ја негира вистината на ова прашање, ниту да ги заштити поединците од одговорност за овие злосторства, се нагласува во соопштението.
Заедничката изјава е објавена во име на Андора, Албанија, Австралија, Австрија, Белгија, Босна и Херцеговина, Бугарија, Канада, Хрватска, Кипар, Чешка, Данска, Естонија, Европската унија, Финска, Франција, Германија, Грузија, Грција, Гватемала , Унгарија, Исланд, Ирска, Италија, Јапонија, Република Кореја, Латвија, Лихтенштајн, Литванија, Луксембург, Малта, Молдавија, Монако, Црна Гора, Кралството Холандија, Нов Зеланд, Северна Македонија, Норвешка, Полска, Португалија, Романија, Сан Марино, Словачка, Словенија, Шпанија, Шведска, Швајцарија, Украина, Обединетото Кралство и САД.
Како што пренесува Њу Јорк Тајмс, Русија вчерашниот состанок на Советот за безбедност на ОН го претвори во, како што рече коалицијата од повеќе од 50 земји, превртено шоу од дезинформации. Преку соопштението, Русија го обвини Западот за киднапирање на украински деца – самото обвинение што Меѓународниот кривичен суд го упати кон руската влада.
Русија свика состанок бидејќи го презеде ротирачкото претседателство со Советот за април, сметајќи го како неформален форум за судбината на илјадниците украински деца. Украина и нејзините сојузници велат дека децата биле насилно депортирани во Русија и предадени на руски семејства на посвојување, а Меѓународниот кривичен суд на правдата ги означи присилните преселби како воено злосторство.
Меѓународниот суд минатиот месец издаде налози за апсење на претседателот Владимир Путин и шефот на руската агенција за заштита на децата, Марија Лвова-Белова, за нивните улоги во преселувањето на децата во Русија. Но, рускиот амбасадор во ОН, Василиј Небензја, вчера тврдеше дека тие биле насилно одвоени од нивните родители и испратени во европските земји како Шпанија и Португалија и Германија за сместување во засолништа или со семејства.
Руската пропаганда вклучуваше сведоштва од неколку официјални лица во деловите на Украина окупирани од Русија и снимени пораки од жени кои тврдат дека се наводно мајки од Украина, кои велат дека се многу задоволни што нивните деца биле однесени во Русија.
Д, Мишев
извор: Civilmedia.mk
