СДСМ од денеска е на терен, рамо до рамо со граѓаните започнуваме со интензивни активности, рамо до рамо со народот до победа, истакна претседателот на СДСМ и премиер Димитар Ковачевски промовирајќи нова капмања на партијата на власт.
„Рамо до рамо со народот заради подобра иднина на државата а не затоа што наредната година ќе има избори“, рече Ковачевски.
Ковачевски со оценка дека власта успешно се справила со кризната и тешка година „ниту фалеше храна, ниту струја“, додаде тој.
„Со деструктивната континуирана омраза на опозицијата преку апокалиптични сценарија за колапс, граѓаните денеска прават разлика кој седи на страна и блокира а кој менаџира процеси во криза“, истакна Ковачевски.
„Деструктивниот потпалувачки опозициски наратив под секое ниво не е добар за општеството, и има з=само една цел да ја уназади европска Македонија. Но ние тоа на пироманите од Левица и ВМРО-ДПМНЕ нема да им го дозволиме. СДСМ е рамо до рамо со граѓаните и ќе ги разобличиме промашените пропаганди, ќе го трасираме победничкиот пат и заедно ќе го поразиме евтиниот популизам“, додаде Ковачевски.
ПОПУЛАРНО НА ИНТЕРНЕТ...
