Фејсбук статус на Оливер Спасовски, министер за внатрешни работи:
Со посебно задоволство одговорив на поканата од претседателот на МАТТО, Ајдован Адемоски, да присуствувам на традиционална ифтарска вечера со пријателите од Mакедонско-турската стопанска комора, а во чест на Светиот месец Рамазан.
Радува заедништвото кое овој празник на милоста го поттикнува. Тоа, заедно со нашата определба за меѓусебно почитување и развивање на мултикултурно општество, се олицетворение на суштината на нашиот концепт „Едно општество за сите”, но и темелот на пријателството меѓу Северна Македонија и Турција, кое изминативе години е се’ посилно.
Во духот на братството помеѓу нас, имајќи предвид колку заеднички нешта не’ поврзуваат, на верниците муслимани им посакувам деновите на постот да ги поминат во мир и благосостојба. И, секако, упатувам посебна благодарност за споделената ифтарска вечера. Нека е за многу години!
