Centar.mk – Вести, бизнис, забава, спорт…
МАКЕДОНИЈАТОП ВЕСТИ

Каевски: Уставните измени се важни за европската иднина, подготвени сме да разговараме со сите партии

Одговор на новинарско прашање, Дарко Каевски, пратеник и портпарол на СДСМ

Во многу наврати во минатото укажавме дека пред започнување на процесот односно пред започнување на постапката во Собранието ќе разговараме со сите политички чинители, со сите политички партии којшто имаат претставници во парламентот, така ќе биде и овој пат.

Нашиот план е соочување односно прикажување на аргументи, факти дека ова е важно и добро да го направиме за да го продолжиме европскиот пат на државата. Нашиот план е да разговараме со сите политички партии. Верувам дека од она што веќе го слушаме голем број од политичките партии, голем број од пратениците она што го говорат по ходниците е дека ќе се одважат и ќе гласаат за уставните измени.

Така да одговорот на вашето прашање е дека нашиот план е да разговараме со сите. Токму оваа Влада и во изминатиот период посочи дека е важно да се разговара со сите политички чинители, со сите политички партии затоа што ова е нешто што им го должиме на граѓаните. Европскиот пат мора да продолжи и нашата држава да биде интегрирана во ЕУ.

Укажавме дека како одговорна политичка партија сите аргументи ќе ги изнесеме на маса, ќе разговараме со сите политички чинители затоа што е важно да го продолжиме европскиот пат, затоа што е тоа наше ветување дека Република Северна Македонија час поскоро ќе биде дел од ЕУ, ќе ги продолжи преговорите и ќе биде дел од ЕУ.

Можеби ќе ве интересира

Управувале автомобили ПИЈАНИ, БЕЗ ВОЗАЧКИ, СО ГОЛЕМА БРЗИНА… – Изминатите три дена 1937 сообраќајни прекршоци на територија на цела држава, 447 за брзо возење

ДЕСК

Претседателката Гордана Сиљановска-Давкова прими претставници на Советот на амбасадори

ДЕСК

Министерот за внатрешни работи Тошковски присуствуваше на отпочнување на процесот за полагање на испит за ракување со оружје

ДЕСК