„Комплексен е случајот со аболицијата на Иванов, затоа беа внимателни и нашите судови и Судот во Стразбур. Не може да избегаме од одговорноста сами да ги решиме нашите проблеми и тоа е главната порака од решението. Редно е сите случаи на висока корупција да добијат институционална разврска, за јавноста да стекне доверба во правосудниот систем“ рече вицепремиерот и поранешен министер за правда, Бојан Маричиќ во „Вин-вин“ на Телма.
Тој додаде дека ова решение од Судот во Стразбур е шанса за судовите да ја подигнат ниската доверба која ја имаат кај граѓаните.
„Во два случаи одбраната на обвинетите ја истакнува аболицијата и таа е отфрлена и од првостепениот кривичен суд и од апелација“ рече Маричиќ.
Тој додаде дека аболициите се комплексен случај, бидејќи случаите за кои беа обвинетите аболицирани се произлезени од масовно кршење на човековите права преку откриеното прислушување.
ПОПУЛАРНО НА ИНТЕРНЕТ...
