„Вчерашниот ден создаде интерес во пошироката јавност за одлуката на судот од Стразбур за што сметам дека победи правната држава, бидејќи владеењето на правото е услов за позитивен извештај од Европската комисија. Сега задачата е да се продолжи и домашното судство да си ја заврши работата“ рече заменик-претседателката на СДСМ и директорка на УЈП, Сања Лукаревска во „10 минути“ на ТВ21.
Таа додаде дека судот во Стразбур донел правилна одлука, а сега треба судиите и судовите да го зацврстат својот авторитет и интегритет и да имаме конечна разврска на случаите од пораншеното СЈО.
„Со тоа што ќе продолжат овие процеси се враќа на некој начин и довербата во судството. Порано имавме тефтерчиња во судството и се уште трпиме последици од тоа време, кога една политичка партија можеше да биде судски совет, но веќе не е така. Само ако го ставиме владеењето на правото на пиедестал ќе се врати довербата на граѓаните во судството“ рече Лукаревска.
Таа додаде дека недовербата создава перцепција за обесмилување на суштината и тоа што значи владеење на право и создава чувство дека правдата нема да стигне никој.
