Пратеничката Снежана Калевска-Ванчева од СДСМ ѝ реплицира на колешката Благица Ласовска.
Од говорницата ѝ рече: „Слушам само за поделби, омраза и омаловажување. Ние сите 120, посочи таа, треба да работиме за народот“.
„Не сте само вие избрани од народот и ние сме избрани од народот. Која власт не се обидува да го заврши успешниот мандат. Оваа власт мандатот го доби во 2020 и мандатот ни е до 2024 година. Трета година сме во криза, не само ние, цела Европа. И вие сакате, место да се обединиме национално, да одиме на избори. Тоа Алијансата за Албанците го препозна, тие се издигнаа за европска и просперитетна Македонија. Не ви ли пречеше имотната состојба кога го поддржавте Таравари за градоначалник на Гостивар?“, ја праша Калевска-Ванчева пратеничката од ВМРО-ДПМНЕ, Ласовска.
Ласовска со контрареплика:
„За жалење е Македонија со ваква Влада. Македонските граѓани крпат едвај крај со крај. Станавме некропола на криминал“.
