18.8 C
Скопје
28. март 2024
Centar.mk – Вести, бизнис, забава, спорт…
МАКЕДОНИЈА

Совет на амбасадори за македонско-бугарските односи: Да се смират емоциите, да се промислува државнички и да се делува трезвено

„Советот на амбасадори со големо внимание и загриженост ги следи растечките тензии во македонско-бугарските односи, кои ескалираат до посериозни размери после непосакуваните инциденти во Охрид, но и со серијата нетолерантни ставови на високи бугарски државници за перспективите на македонските евро-интеграциски процеси“ се вели меѓудругото во соопштението од Советот на амбасадори.

„Советот смета дека итно треба да се смират емоциите, да се промислува државнички и да се делува трезвено. До решение може да се дојде само низ преговори помеѓу двете дипломатски служби. Алтернативи нема, освен засилен конфликт, чии димензии уште потешко ќе се контролираат, а на крајот на краиштата, и тогаш мора да заврши со преговори, како што завршувале сите големи конфликти низ историјата, само со далеку повисока цена! Ние, членовите на овој Амбасадорски совет веруваме дека и во Бугарија има промислени луѓе кои разбираат дека ниедно вето или долготрајна блокада, особено ваква, при изработено и заслужено членство на нашата земја во ЕУ, не е ништо друго освен негативен удар и за нашите соседи, но и за целиот југоисточен регион на Европа! Единствено целосната македонска европска интеграција и непостоењето на било какви граници, вета и други бариери помеѓу двете земји ќе доведе до создавање атмосфера за надминување, решавање и премавнување на сите отворени македонско – бугарски прашања и предизвици“ велат оттаму.

Во соопштението се наведува дека „за македонската држава останува задачата да изнајде начин и да отвори можности, пред ЕУ да се претстават несоборливи аргументи дека сите бугарски условувања за побрз влез на РСМ во оваа влијателна политичко-економска заедница се неосновани и надвор од европскиот дух, но и од духот на актуелната историска епоха. Европската интеграција беше создадена за да се овозможи амбиент за изградба на доверба помеѓу народите и државите, но како рамноправни членки на Европската Унија и со непречена соработка и комуникација помеѓу граѓаните, институциите и економиите“.

Спонзорирано: