Енергетската трансформација во државата е во тек, со забрзано темпо се зголемува производството на електрична енергија од обновливи извори. Минатата година пуштени во употреба се 141 мегават обновливи извори на енергија, а на крајот на оваа година ќе се инсталираат 300 мегавати. Минатата година издадени се лиценци за 267 централи за производство на електрична енергија од обновливи извори, а тоа е капацитет за снабдување на 65.700 домаќинства, со просечна потрошувачка, се вели во соопштението од СДСМ.
Од партијата додаваат дека досега ова е рекордна изградба на нови капацитети од обновливи извори на енергија во една година. Со правилна поддршка и правилно менаџирање државата може да се трансформира во центар на зелена енергија и да се обезбеди енергетска независност.
Владата на СДСМ е посветена на постигнување сигурен, ефикасен, еколошки и конкурентен енергетски систем, кој е способен да го поддржи одржливиот економски раст на земјата, кој ја заштитува животната средина и го зголемува квалитетот на животот на граѓаните, се вели во соопштението.
НАЈЧИТАНО НА ИНТЕРНЕТ...
