Многу штипјани возеле брзо, ќе им стигнат казни

На 11.01.2023 на подрачјето на СВР Штип полициски службеници спроведоа акциска контрола на возачи кои управуваат возила со брзина поголема од пропишаната. За време на контролата биле констатирани 28 прекршоци, од кои 16 во населено место и 12 надвор од населено место. На сите возачи им биле изречени соодветни санкции.

Санкционирани биле и 11 други видови на прекршоци, од кои 5 за управување возило без возачка дозвола, 2 за нерегистрирано возило, 1 за возач почетник, 1 за некористење сигурносен појас и 2 за непрописно паркирање.