Centar.mk – Вести, бизнис, забава, спорт…
Македонија

Средба Османи – Дуџијак

Министерот за надворешни работи, Бујар Османи, имаше средба со постојаниот координатор на ОН во Северна Македонија, Росана Дуџијак.

Соговорниците разговараа за рамката за соработка 2021-2025 година, како и за ангажманот и иницијативите на ОН во областа на економијата, социјалната инклузија, родовата еднаквост, зајакнувањето на институциите, животната средина, климатските промени и континуираната поддршка од ОН за севкупниот развој на нашата земја, особено во клучните процеси, како што е процесот на пристапување во ЕУ.

Министерот Османи истакна дека наша цел е да се постигне просперитетна, инклузивна и отпорна Северна Македонија и целосна имплементација на целите на одржлив развој на агендата на ОН до 2030 година.

„Во 2023 година Владата на Северна Македонија ќе продолжи со зацртаниот пат на реформи фокусирајќи се на надминување на влијанието од повеќекратните кризи. Затоа, важно е да се нагласи значењето на годишниот заеднички работен план, со јасни и конкретни резултати, како главна алатка што ја прави оперативна рамката за соработка на ОН за одржлив развој“, рече Османи.