Министерот Спасовски објаснувајќи ги капиталните расходи на предлог буџетот на министерството за внатрешни работи за 2023 година потенцираше дека во скоро време ќе се пушти во употреба новата веќе изградена зграда на Форензичкиот центар која ќе биде најсовремена лабораторија на Балканот.
„Предвидени се средства за набавка на најсовремен автоматизиран систем за идентификација на отпечатоци за потребите на Одделот за криминалистичко-технички испитувања и вештачења.Со оваќе се надгради ефикасноста на овој Оддел, во насока на дигитализација на форензичките постапки, што е од интерес не само на институциите за спроведување на законот, туку и на сите граѓани.“, потенцираше министерот Спасовски.
За потсетување, инвестицијата на овој проект за изградбата на нова зграда за потребите на Крим – техника изнесуваше околу три милиони евра, а ќе овозможи подобрување на ефикасноста, ефективноста и квалитетот на работа на форензичките лаборатории. Овие нови услови, првенствено ќе овозможат истовремено повеќекратно спроведување на ист тип анализи, со што ќе се зголеми ефикасноста односно ќе се намали времето потребно за одговор во однос на одреден тип анализи.
