На 29.11.2022 година околу 10.00 часот на ул.”2″ во с.Визбегово преземени се мерки по доставена пријава од општина Бутел за узурпирано државно земјиште сопственост на РСМ, а во владение на општина Бутел, бидејќи е извршен ископ и бетониран е дел од ископот на наведеното земјиште.
По доставен допис од општина Бутел и по добиена информација дека постои ризик за нарушување на јавниот ред и мир при интервенцијата од страна на градежната инспекција, од страна на полициски службеници веднаш е излезено на лице место и преземени се сите неопходни мерки и активности за одржување на јавниот ред и мир при интервенцијата од општинските надлежни служби.
Концептот на МВР да работи во интерес на сите граѓани, како нивни сервис, без разлика на политичко-партиската профилираност на локалната самоуправа продолжува, а денешната асистенција на барање на Општина Бутел е уште еден показател дека полицијата е и мора да остане сервис во функција на сигурноста и безбедноста на сите граѓани, професионална, департизирана и деполитизирана, гарант за спроведување на законите.
НАЈЧИТАНО НА ИНТЕРНЕТ...
