„Во Буџетот за 2023 година се намалени непродуктивните трошења, тоа е сериозна сума на пари која е намалена. Тие средства ќе се пренаменат за антикризни мерки и за корекција на сите оние планови во Буџетот за растот на платите и пензиите“ рече пратеничката од СДСМ, Марија Георгиевска во „24 анализа“ на ТВ24.
Таа додаде дека со овој Буџет ќе продолжи политиката на Владата со која се ублажуваат последиците од економската и енергетската криза и претставува основа за економско заздравување со тенденција за економски раст.
„Буџетите во многу земји во Европа претрпеа структурни промени. Огромни средства од буџетите се наменуваат за справување со кризите, се насочуваат за таргетирани мерки за поддршка на граѓаните“ рече Георгиевска.
Пратеничката од СДСМ кажа дека има поднесено повеќе од 260 амандмани за Буџетот за 2023 година, од кои околу 200 се опозицијата и најави дека во следните седум дена ќе се разговара низ конструктивна дебата околу прифаќањето или отфрлувањето на овие амандмани.
