„Газпром“ се закани со прекин на транзитот на гас низ Украина

Рускиот енергетски гигант „Газпром“ денеска соопшти дека регистрирал исчезнување руски гас во Украина наменет за испорака до молдавските потрошувачи.

Компанијата предупреди дека, доколку потрае транзитниот дебаланс, ќе ја прекине испораката на гас в понеделник, 28 ноември, од 10 часот.

Според наводите на „Газпром“, количината гас што се испорачува за транзит до „Молдовагаз“ преку украинската територија го надминува физичкиот обем што се пренесува на границата на Украина со Молдавија.