Centar.mk – Вести, бизнис, забава, спорт…
Бизнис

ИПАРД – одлична можност за развој на агросекторот, нови работни места и зголемен извоз

Приказната за фондот ИПАРД за нашата држава, се движи од плаќање пенали и враќање на милиони евра пред десетина години, до лидери во регионот во искористеност на средствата.

Последната година имаме 90% реализација на средствата од ИПАРД 2 програмата, со склучени 2.335 договори. Европската комисија токму затоа веќе ја усвои и новата финансиска програма за Северна Македонија, која во споредба со ИПАРД 2 е зголемена за 62%, односно со новата ИПАРД 3 програма имаме на располагање 210 милиони евра средства за инвестиции во наредните 7 години.

-Земјоделството денес е еден сектор кој сè повеќе е актуелен за инвестиции и сè повеќе луѓе се одлучуваат да влезат во него и вршејќи земјоделска дејност. Тоа нè охрабрува и како Министерство сме отворени за сите такви инвестиции, кои имаат функција да го развијат и модернизираат македонското земјоделство- изјави министерот за земјоделство, Љупчо Николовски.

Ова на терен практично изгледа вака:

Пред 2 години започна стартот на новиот земјоделско- сточарски комплекс „Голд Ланд“ во прилепско. Ова е најнова инвестиција на групацијата „Везешари“.

,,Со проектираниот модел на Голд Ланд, е предвидено изградба на центар за откуп и складирање на зрнести култури. Оваа инвестиција не е насочена само кон задоволување на потребите на нашата компанија, туку е предвидено да прерасне во регионален центар, со што ќе овозможиме загарантиран пласман на земјоделците од регионот.”- изјави тогаш сопственикот на ,,Везешари” Арбен Абдурахмани.

Оваа инвестиција преку Мерка 1 е најголемата ИПАРД инвестиција. Ова е многу суштествен инвестициски објект што ќе се гради за развој на гоење на говеда и на сточарството воопшто во државата, која во голема мерка говедското месо го обезбедува со увоз. Значајно е дека ќе се отворат нови работни места и ќе има конечно производство на говедско месо дома, на домашниот пазар.

ИПАРД е реалност која ја живеат нашите агробизнисмени и земјоделски производители. Примерот со компанијата „Голд Ланд“ е доказ за успешност и мотивација за останатите агробизнисмени кои размислуваат да инвестираат во земјоделскиот сектор. Поддршката на државата со 60% повраток на инвестицијата не треба да се пропушта од нивна страна, а исто така тоа е добро и за целото стопанство – зголемување на домашното производство на храна, нови работни места, зголемен извоз, влез на девизи во државата, намалување на трговскиот дефицит.

Ваквите огромни инвестиции се тимска работа на инвеститорите и администрацијата кои беа на висина на задачата откако започна инвестицијата. Тоа вреди да се потенцира бидејќи искористеноста на средствата е резултат на подготвените апликанти и ажурната администрација која ги следи во нивните инвестиции.

Од искористувањето на фондот од ИПАРД 3 Програмата 2021-2027 за Република Северна
Македонија се очекуваат многубројни придобивки како на пример:

– подобрување на стандардот на земјоделците,

– подобрување на пазарната конкурентност и ефикасност,

-зголемување на вработеноста во руралните средини,

-подобрување на ветеринарните стандарди и унапредување и заштита на животната средина.

извор: Agrotim.mk

Можеби ќе ве интересира…

  • Biznispro.com
  • Вести +
  • Жена
Ова се сите неработни денови за новогодишните и божикните празници во 2023 година

Со доаѓањето на крајот на старата 2022 година, многумина се прашуваат кои се неработните денови кои следат во декември и јануари со цел да си го испланираат слободното и празнично… Прочитај повеќе

Зеленски: Не му дозволуваме на непријателот да ги исполни своите намери, Русија бележи големи загуби

Украинскиот претседател Володимир Зеленски (Зеленски) зборуваше во ново видео обраќање во кое изјави дека ситуацијата на фронтот е многу тешка. – И покрај екстремно големите руски загуби, окупаторите се обидуваат… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе