Centar.mk – Вести, бизнис, забава, спорт…
Македонија

Ковачевски-Рама: Донесовме конкретни решенија за граѓаните и заедничката европска иднина на Северна Македонија и Албанија

На заедничка прес-конференција премиерите на Република Северна Македонија и на Република Албанија, Димитар Ковачевски и Еди Рама, денеска уште еднаш ги повторија ставовите на владите на двете земји за проевропските политики, добрососедство и соработка која ќе придонесе за развој на целиот регион.

Премиерот Ковачевски истакна дека втората меѓувладина седница денеска беше посветена на конкретни решенија за актуелни прашања за граѓаните и за државите Република Северна Македонија и Република Албанија.

„Потпишавме повеќе меморандуми за унапредување на соработката речиси во сите области, секако, со посебен фокус кон енергетиката кон којашто е свртено и вниманието на целиот свет“, рече премиерот Ковачевски.

Премиерот истакна дека членството во Европската Унија е стратешка цел на Република Северна Македонија, исто како што е стратешка цел и на Република Албанија.
„Заедно го почнавме и скрининг процесот и заедно ја имаме можноста да ги завршиме преговорите и да станеме полноправни членки на ЕУ“, рече премиерот Ковачевски и се заблагодари на премиерот Еди Рама за безрезервната поддршка што Република Северна Македонија ја доби од Албанија во процесот за НАТО интеграциите.

Премиерот на Албанија Еди Рама рече дека освен финализирањето на 21 акт кои се договорени низ интензивна соработка помеѓу двете влади се договорени предложени инцијативи од првиот заменик претседател на Владата Артан Груби и кои се однесуваат на изградба на патна инфраструктура односно Коридорот 8, изградба на едно суво пристаниште во Струга и отворање на еден нов граничен премин Поградец-Струга, посочувајќи дека станува збор за стратешки проекти за двете земји.

„Мене ми е многу мило што со Северна Македонија поставивме добри и силни основи за да изградиме заедничка иднина која што треба да биде иднина во взаемно почитување на човековите права и слободи, но и една здрава иднина за другите генерации“, рече Рама.

Можеби ќе ве интересира…

  • Biznispro.com
  • Вести +
  • Жена
Ова се сите неработни денови за новогодишните и божикните празници во 2023 година

Со доаѓањето на крајот на старата 2022 година, многумина се прашуваат кои се неработните денови кои следат во декември и јануари со цел да си го испланираат слободното и празнично… Прочитај повеќе

Ковачевски до Мицкоски: Не е храборст да се криеш зад Апасиев и да бараш предвремени избори затоа што си уплашен

Христијан Мицкоски и Димитар Апасиев се совршена комбинација за хаос и деструкција, порача вечерва претседателот Димитар Ковачевски на граѓанската трибина „Силно и одлучно кон иднината“ во Куманово. Ковачевски истакна дека… Прочитај повеќе

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената… Прочитај повеќе