Променливо облачно, по одделни котлини ќе има услови за слаба магла. Во западните делови претежно во претпладневните часови ќе има услови за појава на краткотраен дожд, а во источните преку денот времето ќе е сончево. Ќе дува слаб до умерен ветер претежно од југоисточен правец.
Во Скопје променливо облачно со слаб до умерен ветер од југоисточен правец.
Следува период во кој ќе преовладува стабилно време со појава на утринска магла по котлините. Ќе дува слаб до умерен претежно јужен ветер, а утринските температури во поголемиот дел од населените места ќе бидат околу нулата и повисоки. Поголемо наоблачување со врнежи од дожд ќе има во четврток.
