Ангелов: За две години го унапредивме ЦУК од недоволно функционален во препознатлив кај граѓаните

„80 отсто од повиците на итниот телефонски број 112 се лажни, некои се и злонамерни, во помал број, а другиот се ненамерни и погрешни, луѓето бараат други видови на услуги, но и во тој случај ги пренасочуваме граѓаните. На овој начин ги растоваруваме останатите служби, како полицијата и итната медицинска помош“.

Ова денеска го изјави Стојанче Ангелов, директор на Центарот за управување со кризи (ЦУК) на прес-конференција на која даде отчет за работата, по повод две години од именувањето на функција.

Ангелов рече дека во секторот на итниот број 112 се вработени 50 лица и дека граѓаните се задоволни од услугата

Ангелов оцени дека благодарение на активностите и заложбите, Центарот за управување со кризи станал препознатлив кај граѓаните.