Со почеток во 10.00 часот, во салата на општина Битола започна криводарителска акција, во организација на општинската организација на Црвен крст Битола, на која вработените во општината и други граѓани се вклучија во активноста и даруваа крв.
Градоначалникот на општина Битола ги посети крводарителите и беше информиран од страна на претставниците на ОО на Црвен крст Битола и од вработените во Одделението за трансфузиологија во Клиничката болница, за самата активност и за бројот на крводарители. Тој ја поздрави хуманоста на граѓаните кои денес даруваа крв, со цел во иднина да спасат нечиј човечки живот.
Крводарителската акција е дел од настаните кои се реализираат во рамките на Програмата за одбележување на 4 Ноември, Денот на ослободувањето на Битола.
ПОПУЛАРНО НА ИНТЕРНЕТ...
