Градежните активности во Општина Илинден продолжуваат да се одвиваат со интензивно темпо, финишира изградбата на пешачката патека во н.м. Мралино во должина од 700 метри.
Денеска увид во градежните работи на овој значаен проект направи градоначалникот на Општина Илинден, Александар Георгиевски, во разговор со граѓаните тој истакна дека пешачката патека е од голема важност за жителите од Мралино, ќе се зголеми безбедноста на пешаците и сите учесници во сообраќајот.
Во рамки на проектот за подoбрување на патната инфраструктура, изградба, реконструкција, санација и рехабилитација на локалните улици и патишта, продолжува и реконструкцијата на главната улица во н.м Мралино што претставува капитален проект на општината.
Општина Илинден со овие градежни активности, продолжува да вложува во унапредување и зголемување на безбедноста во сообраќајот.
