Копретседателката на владејачката Социјалдемократска партија на Германија (СПД) Саскија Ескен изјави дека е против обновувањето на увозот на гас од Русија дури и по војната во Украина.
„НИ по војната, нема да ја обновиме нашата зависност од руските резерви на енергија“, изјави таа за RTL и Ntv и нагласи дека е среќна што се преземени најважните чекори за да се ослободиме од зависноста.
Ескен оцени дека во моментов нема можност за дипломатски успех со Владимир Путин.
„Важно е дипломатијата да остане активна, но брз крај на војната може да донесе само рускиот агресор Путин. Тој ја нападна Украина и мора да ги прекине непријателствата и да ги повлече своите војници од Украина, а во моментов нема видлива подготвеност за такво нешто“, изјави таа.
Поради ова, смета таа, во моментов нема да има напредок по дипломатски пат.
НАЈЧИТАНО НА ИНТЕРНЕТ...
