Властите на Виена формираа енергетски кризен штаб за да обезбедат снабдување со енергија на граѓаните на австриската престолнина. Во моментов е обезбедено енергетско снабдување на жителите на Виена, а за ситуацијата да остане таква, потребно е да се дејствува „со поглед кон иднината“, поради што градоначалникот Михаел Лудвиг нареди формирање на советодавно стручно тело кое ќе се занимава со прашањето за снабдување со енергија, најави секретарот за економија на Виена Петер Ханке.
Тоа тело треба заедно со кризниот штаб на градот да ги следи подготовките за зимата, и да дава предлози за потребните мерки.
