„Треба да сме задоволни од оценките во Извештајот на Европската комисија за забележаниот континуитет во реформите во судството, како и од добрите оценки во економскиот кластер, каде што има добри, позитивни оценки и поради законите, но и поради доброто менаџирање на кризата“ изјави вицепремиерот за европски прашања, Бојан Маричиќ во „Топ тема“ на Телма.
Тој додаде дека земјава е добро оценета во калстерот за фундаментални вреднсоти и е поздравено спроведувањето на пописот и успешното спроведување на локалните избори.
„Задоволни сме од Извештајот на Европската комисија, но тоа не значи дека тука ќе застанеме, туку овој извештај треба да ни биде мотивација за да одбереме клучни облсати во кои би имале подобри оценки. Задоволни сме, но не е доволно за да се опуштаме и да не правиме ништо наредните 12 месеци“ рече Маричиќ.
Тој додаде дека вкупната оценка за подготвеност на добро ниво е задоволителна, имајќи предвид дека земјата се соочува со сериозна кризна година со нов состав на Владата, последиците од КОВИД, како и последиците од војната во Украина.
