„Односите со ДУИ можам да ги карактеризирам како исклучително коректни, продуктивни и професионални. ДУИ во Владата има квалитетни министри што се покажува во справувањето со кризата, бидејќи ресорите што ги покрива ДУИ се најизложени во справувањето и имам само пофални зборови за министрите“ изјави премиерот Димитар Ковачевски во „360 степени“ на Алсат М.
Тој додаде дека сите коалициони партнери имаат заедничка цел, а тоа е европската агенда и европската иднина на државата, како и справување со енергетската и економската криза.
„Имаме антикризни мерки од 760 милиони евра за најранливите категории на граѓани, за стопанството, за одржување на ликвидноста, за субвенционирање на електрична енергија и за да немаме ниту еден ден рестрикции. Тоа значи дека сите министри работат кон остварување на целта“ рече Ковачевски.
Премиерот истакна дека односите во Владата и во целат адржава се пред се насочени кон остварување на визијата за европска Македонија.
ПОПУЛАРНО НА ИНТЕРНЕТ...
