„Министерот за економија, Крешник Бектеши, во Србија имаше состанок со контактите на Мицкоски. Тој кажа дека се работи за граѓани на Србија и Босна и Херцеговина и за руски гас“ изјави премиерот Димитар Ковачевски во „24 анализа“ на ТВ24.
Тој додаде дека нема да ги открива имињата на луѓето и компаниите, а за тоа дали ќе достават понуда за набавка на енергенси останува на нив.
„Понудата треба да биде со количини, со банкарски гаранции и квалитет. Истите услови што важат за сите други понуди. Архивата на ЕСМ од првиот ден е отворена за понуди“ рече Ковачевски.
Премиерот додаде дека Мицкоски прво во јавноста претставуваше дека има понуди за поевитн гас, па потоа тие понуди станаа контакти, а на средбата со економскиот тим на владата и тие контакти станаа позиции.