Ковачевски: Граѓаните во Центар Жупа го избраа вистинскиот правец, деструктивните сили доживеаја пораз

Граѓаните во Центар Жупа потврдија дека знаат кој е вистинскиот правец, знаат дека државата треба да оди напред, порача претседателот на СДСМ Димитар Ковачевски, вечерва по завршување на вонредните избори за градоначалник на општината, на кои извесно победи кандидатот на коалицискиот партнер на СДСМ, Турската демократската партија Аријан Ибраим.

Ковачевски нагласи дека на фер и демократски избори, граѓаните застанаа зад вистинскиот човек, вистинскиот концепт, гласаа за развој.

Сите деструктивни сили кои работеа против општина Центар Жупа, кои работеа да не успеат изборите се соочија со пораз, порача претседателот на СДСМ Димитар Ковачевски во Центар Жупа.