Жена итно пренесена на скопските клиники, партнерот ја претепал

Четириесет и шестгодишна жена од Неготино е во кома откако 51-годишен маж со кого била во љубовна врска, вторникот ја претепал.

Според информациите од МВР, жената била пренесена во скопските клиники за укажување на лекарска помош.

П.Н.(51) од Неготино ноќеска бил приведен, а за настанот е известен Јавен обвинител.

Увид на местото на настанот извршила екипа од Полициска станица Неготино. По документирање на случајот против него ќе биде поднесен соодветен поднесок.