„Илинден е нашата сила за современа, модерна, економски развиена, европска Република Северна Македонија. Водени од заедничката борба во која се положувале животи за сестрите и браќата од сите народи, се обединивме сите во едно и еднакво општество за сите, без исклучок, рамноправни пред законите“ рече во неговиот говор на Мечкин камен, премиерот Димитар Ковачевски.
Тој рече дека илинденската и асномската идеја за светла и перспективна македонска иднина ја имаат и генерациите од денешнината и од неа нема назад, само напред.
„Илинден е нашата сила да градиме заедничка држава, без предрасуди и интегрирана во Европа, рамо до рамо со демократиите во светот“ потенцираше Ковачевски.
Премиерот рече дека заедништвото со кое илинденците и асномците ги добиле нивните битки е заштитен знак и на современата заедничка држава што ја градиме и низ кое заедништво ги надминуваме предизвиците на нашето време, добивајќи ги нашите битки.
ПОПУЛАРНО НА ИНТЕРНЕТ...
