Повторно има навреди за политичарите на Википедија.
Овојпат на удар се шефот на државата, Стево Пендаровски и премиерот Димитар Ковачевски.
За претседателот Стево Пендаровски, администратор, на англиската верзија на Wikipedia, му впишал навредливо средно име. Таму беше додаден зборот „стока“.
За премиерот Димитар Ковачевски некој администратор впишал и датум на смрт (Илинден, лани). Исто така во еден момент за Ковачевски наместо премиер на Македонија, стоеше премиер на Бугарија.
Инаку на Википедија секој може да ги ажурира податоците, а сето тоа е заведено со IP адреса, по што доколку податоците се неточни, администраторите прават враќање на старите податоци. Трајно зачувување на ваквите податоци може да прават само администратори, но не и обични корисници. Полицијата може во секој момент да ги пронајде корисниците кои ги напишале ваквите морбидни податоци, велат познавачите.
