Во обид да спречи споделување лозинка, Нетфликс ја тестира можноста корисниците да плаќаат дополнителни три долари месечно доколку сакаат да ја споделат својата сметка со други луѓе.
„Почнувајќи од следниот месец, оваа функција ја нудиме прво во Аргентина, Доминиканската Република, Ел Салвадор, Гватемала и Хондурас“, рече Ченг Лонг, директор за иновации на производи во Нетфликс.
Нетфликс изгуби претплатници за прв пат во една деценија во април, со што нејзините акции паднаа за 72 отсто за шест месеци, паѓајќи под 200 долари за прв пат од крајот на 2017 година.
Нетфликс бара начини да го спречи споделувањето лозинки откако студијата од 2019 година покажа дека стриминг гигантот може да губи до 192 милиони долари секој месец поради оваа практика.
Неодамна, Нетфликс ја лансираше функцијата „додај дополнителен член“ во Чиле, Костарика и Перу.
Корисниците на социјалните мрежи изразија незадоволство од новата практика на Нетфликс во одредени земји.
„Следното нешто што ќе побараат е да наплатат такса за секое лице што ќе го поканите кај вас дома да гледа филм. Гледаме дека си алчен, Нетфликс“, напиша еден корисник, „Вака умира Нетфликс“, додаде уште еден.
