Францускиот предлог, е погубен за бугарската државност и е национално понижување на бугарскиот народ, смета поранешниот министер за одбрана и вицепремиер, Красимир Каракачанов лидер на партијата ВМРО.
-Политичарите од Северна Македонија кои со децении ни ја крадат и фалсификуваат бугарската историја, благодарејќи им на Макрон и на импотентните бугарски пратеници, излегоа како победници – истакна Каракачанов.
Според него во францускиот предлог недостасуваат гаранции за јазикот на омразата, за препрочитување на историјата и за мониторинг врз работата и на конкретните резултати од работата на Заедничката мултидисциплинарна експертска комисија за историски и образовни прашање. Тој посочува дека 84 отсто од Бугарите јасно се изјасниле против какви било компромиси со бугарската историја. Каракачанов повикува на национална револуција и порача дека битката не била завршена.
