Министерката за труд и социјална политика Јованка Тренчевска присуствуваше на промоцијата на згрижувачки семејства во Кавадарци која што е дел од кампањата „Подај рака и промени живот – стани згрижувач!“ организирана од страна на СОС Детско село во соработка со Министерството за труд и социјална политика, Заводот за социјални дејности, Центрите за поддршка на згрижувачките семејства, Центрите за социјална работа и локалната власт.
Тренчевска ја истакна важноста и приоритетот на Владата и Министерството за труд и социјална политика кога станува збор унапредувањето на детската заштита.
Кампањата „Подај рака и промени живот – стани згрижувач!“ која започна на почетокот на месец јуни, има за цел подигање на свеста за значењето на згрижувачките семејства и нивната улога во општеството“ рече Тренчевска.
Таа истакна дека кампањите се еден од најефикасните начини да се допре до сите чинители во државата со цел да се информираат и поттикнат потенцијалните згрижувачи и да се обезбеди топол дом за децата на кои тоа им недостига.
Ги повика граѓаните, кои ги исполнуваат условите за згрижувачко семејство, да се пријават и да овозможат двојна среќа и топол дом.
НАЈЧИТАНО НА ИНТЕРНЕТ...
