Криминалот не познава дали си ти ВМРО – ДПМНЕ, дали си ти црн, бел, дали си стрејт, дали си геј, апслоутно нема врска, изјави вечерва потпретседателот на СДСМ Стефан Богоев за Телевизија 24.
„Сега сето тоа го вулгализириаме и сега го користиме она дека се работи за седиште на политичка партија за тука да се прикаже во јавност дека ова сега е политички реваншизам што власта на СДСМ и коалицијата му го прави на ВМРО – ДПМНЕ, се со цел преку оваа аргументација да се сокрие фактот дека бандитско здружение беше во ВМРО – ДПМНЕ претходно, потврдено во бројни пресуди, слушнато од населението и од граѓаните во бомби, во снимки, видено и почуствувано од граѓаните на своја кожа во многу наврати во 11 години. Не е точно. Криминал е криминал, СДСМ, ВМРО – ДПМНЕ, кој и да е, ова е криминал. Докажан криминал, документиран, парите завршиле за изградба на криминална зграда која што за жал е седиште на политичка партија. Јас ова го заклучувам врз основа на првостепена, сеуште не правосилна пресуда од Основен кривичен суд.“ порача Богоев од СДСМ.
