Српската православна црква го отстапува на користење целиот свој имот на територијата на Северна Македонија на новата, автокефална црква во таа земја, се наведува во томосот за признавањето на автокефалноста на Македонската православна црква, кој патријархот Порфириј денеска му го предаде на Архиепископот Македонски Стефан.
-Светите храмови и манастири, особено светилишта од Немањичкиот период и подоцнежниот период на српско присуство, црковното градење и културното творештво на територијата на денешна Северна Македонија, како и вкупниот движен и недвижен имот на СПЦ, во нејзините граници, се отстапуваат на користење новата автокефална сестринска црква“, се вели во томосот.
