Centar.mk
МАКЕДОНИЈА

Заеднички отворен настан на гардата на АРМ и кралската гарда на Кралството Норвешка

Со почеток во 11.30 часот, денеска на плоштадот „Македонија“ во центарот на Скопје ќе се реализира отворен настан на гардата на Армијата на Република Северна Македонија и кралската гарда на Кралството Норвешка.

На отворениот настан, кој е дел од предвидените меѓуармиски активности за одбележување на јубилејот 30 години од формирањето на Армијата, граѓаните ќе имаат можност да проследат ефективни точки во изведба на кралската гарда на Кралството Норвешка која за прв пат настапува кај нас.

Настапот на гардистите ќе биде проследен од началникот на Генералштабот, генерал-потполковник Васко Ѓурчиновски и началникот на Вооружените сили на Кралството Норвешка, генерал Еjрик Кристоферсен кој се наоѓа во официјална посета на нашата држава, Амбасадорот на Кралството Норвешка, Јорн Еугене Гјелстад, генералите во Армијата, припадници од Министерството за одбрана и Генералштабот и од Амбасадата на Кралството Норвешка.

Ова ќе биде единствена ваква можност граѓаните да се запознаат со ефективен перформанс на гардистите од кралската гарда на Норвешка како егзерцир и други акробатски точки со воено оружје, со кои гардата е позната во светски рамки.

Можеби ќе ве интересира

СИЛНИОТ ВЕТЕР СОЗДАЛ ПРОБЛЕМИ НА ПАТИШТАТА – Паднати дрвја и оштетена инфраструктура на важни правци

ДЕСК

Претседателката Сиљановска-Давкова ги прими акредитивните писма од новоименуваната амбасадорка на Република Естонија, Јана Ванамолдер

ДЕСК

„ОВА ЌЕ БИДЕ ТЕШКА ЗИМА И ЗА МАКЕДОНИЈА“ – Мицкоски со предупредување од Берлин по средбата со европските лидери

ДЕСК