Силно невреме со врнежи од град со големина на тениско топче синоќа уништи лозја и други насади во општината Лозово, летаа и покриви од куќи, а настрадаа и соларни панели и покриви на автомобили.
Градоначалникот на општина Лозово, Бошко Цветковски, изјави дека градот удрил по повеќе села, а допрва ќе се утврдува колку ќе чини поправка на штетите.
Утре ќе се одржи вонредна средница на Советот, на која ќе биде формирана и Комисија за проценка на штети. И пред неколку дена оваа општина ја погоди силно невреме.
