„Градоначалници од ВМРО-ДПМНЕ ги водат сите поголеми општини во државата. Нивните градоначалници не покажуваат желба за дијалог ни за презентација на општинските проекти. На сите настани тие го носат партискиот врв, иако сите се бориме против департизација на државата“ изјави потпретседателот на СДСМ и градоначалник на Валандово, Перо Костадинов во „360 степени“ на АлсатМ.
Тој додаде дека ВМРО-ДПМНЕ наместо да понуди помош за справување со кризите со кои сите се соочуваме, тие се фокусираат на предвремени избори.
„Не го чувствувате моментот и веднаш по локалните избори се фиксиравте на брзи предвремени избори. Во време на најголемите кризи во Втората светска војна, во време на геостратешка нестабилност, ВМРО-ДПМНЕ се фокусира на избори“ рече Костадинов.
Тој додаде дека Владата покажува сериозни активности и носи мерки со кои државата, граѓаните и стопанството се справува со кризите.
