„Тоа што беше најавувано како активна блокада на Собранието не е ништо поразлично од тоа што го прави ВМРО-ДПМНЕ изминатите години. Денес не успеаја во блокадата и малку се збунија“ изјави пратеникот од СДСМ Диме Велковски во „24 отворено“ на ТВ24.
Тој додаде дека пратениците од ВМРО-ДПМНЕ делувале збунето во текот на целиот ден во Собранието, поднесувајќи амадмани, кои биле прифатени од владејачкото мнозинство.
„ВМРО-ДПМНЕ побараа од дневен ред да се тргне Законот за сметководствени работи, за кој побараа јавна дебата. Тој закон одеше во редовна постапка, сите се согласивме и имаше јавна дебата. За време на процедурите сите амандмани на ВМРО-ДПМНЕ за тој закон беа прифатени“ рече Велковски.
Тој додаде дека опозицијата во изминатата година блокираше стотина закони со кои се унапредуваат правата и условите на граѓаните.
