3. август 2025
Centar.mk – Вести, бизнис, забава, спорт…
БИЗНИС

Германски увозник на гас: На Русите ќе им плаќаме во евра

Германската компанија VNG, која увезува гас, во иднина ќе прoследува евра за руски гас до „Гаспромбанк“ и не очекува проблеми при претворањето во рубли, соопштија од компанијата.

Со ова е исполнето најважното барање на Москва во рамките на новиот начин на плаќање на гасот.

VNG, којa е во мнозинска сопственост на германскиот регионален снабдувач EnBW, објаснува дека сè е во согласност со санкциите и дека сè има за цел да обезбеди снабдување и економска стабилност.

„Ќе продолжиме да добиваме сметка во евра и износот во евра ќе го плаќаме на сметката кај ‘Гаспромбанк’ согласно процедурата, за да може нашиот добавувач да добива навремени плаќања“, се вели во соопштението на VNG.

VNG нагласува дека поаѓа од тоа дека нема да има проблеми при размената од евра за рубли.

Посочуваат и дека немало проблеми при отворањето сметка во „Гаспромбанк“.

Од компанијата не одговорила на прашањето дали се отворени две жиро сметки, едната во евра, а другата во рубли.

Покрај Uniper и RWE, VNG е еден од најголемите увозници на руски гас во Германија.

Можеби ќе ве интересира

„Најголемиот пораз од 1515 година“ – високите царини од САД за Швајцарија ќе остават без работа илјадници луѓе

C +

Муцунски: Финализираме договор со САД што ќе ги отстрани преостанатите трговски бариери

C +

Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу

C +