Од јуни до јануари резервите контролирани од руската централна банка се зголемија од 585 милијарди долари на 640 милијарди долари, но сè уште не е познато каде се тие 55 милијарди долари.
Руската централна банка соопшти дека има резерви од уште 132 милијарди долари во јуани и злато.
Сметајќи на можни финансиски и геополитички кризи, Русија ги зголеми резервите во јуани и злато на речиси половина од вкупните резерви, објави Централната банка..
Централната банка соопшти дека контрамерките, кои следеа по замрзнувањето на руските средства на Запад, ги ограничиле плаќањата на компаниите од „непријателските“ држави.
Вредноста на западните инвестиции во руски компании се проценува на најмалку 134 милијарди долари, но таа бројка се уште не е конечна, бидејќи списокот на компании и вредноста на инвестициите во Русија не е комплетиран.
