„Во услови на најголема економска и енергетска криза, во која се наоѓа Европа и светот, се чувствуваат силни последици од она што се случува на глобоално ниво, растат цените за храна и енергија. Почитувани во собраниска процедура се поднесени повеќе економски мерки вредни 400 милиони евра директно насочен кон заштита на стандардот на граѓаните и помош на стопанството. Целосно се укинува ДДВ за основните производи храна, на 0%. Лебот, брашното, маслото за јадење, млекото, шеќерот, месото, јајцата и оризот се опфатени со оваа мерка. Ги укинуваме царинските давачки за увозот на основните прехранбени производи, и тоа од сите земји во светот. На овој начин го ублажуваме влијанието на ценовните шокови врз основните прехранбени производи”, изјави Диме Велковски, пратеник на СДСМ
Тој додаде дека се намалува и акцизата за горивата и го намалуваме ДДВ за енергенсите од 18 на 10%, со што бензинот ќе поефтини за 11,5 денари а дизелот за 10 денари.
Велковски истакна дека за ранливите граѓани воведуваат парични ваучери од 3.000 денари. Над 35 илјади граѓани ќе имаат директен бенефит од оваа мерка, што во време на глобална енергетска криза е добредојдена.
Тој ги повикува сите пратеници да дадат поддршка на овие измени што за граѓаните ќе значат поевтина храна и ублажување на последиците од поскапувањето на горивата.
Итноста на ситуацијата со огромната светска економска и енергетска криза, налага овие закони да бидат донесени што побрзо. Граѓаните не смеат да чекаат ниту ден повеќе, изјави Велковски
