Centar.mk – Вести, бизнис, забава, спорт…
Македонија

Обвинение за неплаќање акциза во Велес

Основното јавно обвинителство Велес поднесе Oбвинителен акт против 48-годишен жител на Тетово за кривично дело – Избегнување на плаќање акциза од член 279-б став 3 во врска со став 1 од Кривичниот законик.

На обвинетиот му се става на товар дека вo текот на 2019 година, како управител на фирма од Велес, чија приоритетна дејност е трговија со жито, тутун и семе, со намера правното лице да избегне целосно плаќање на акциза на што било обврзано со одредбите од членовите 8 и 10 од Законот за акцизи, ги испратил од акцизен склад и ги пуштил во промет акцизните добра без акцизна маркичка. Притоа било избегнато плаќање на акциза од голем износ, односно во висина од 62.658.750 денари.

Имено, обвинетиот во име и за сметка на правното лице, во два наврати – на 02.10.2019 и на 24.10.2019 година, извршил увоз на вкупно 35.650 килограми бруто (32.550 килограми нето) сушен тутун во лист тип „вирџинија“. По негови напатствија дадени по телефон, тутунот со товарни возила бил изнесен од Царинската испостава Кавадарци и пренесен во магацинска просторија во Чаир, Скопје. Иако обвинетиот во име и за сметка на правното лице потпишал изјава дека тутунот кој се увезува ќе се доработува во просториите на правното лице, каде се наоѓаат машини за доработка на тутун, по што ќе биде сместен во магацините на правното лице, на наведените адреси на фирмата немало ниту машини за доработка ниту складиште.

Јавниот обвинител поднесе и предлог за продолжување на претходно определената мерка притвор за обвинетото лице поради постоење на околности кои го оправдуваат стравот дека доколку биде на слобода ќе се даде во бегство.​

Можеби ќе ве интересира

Обвинение за сопственик на угостителски објект, злоставувал Македонка и Русинка

M T

Обвинение против двајца битолски гинеколози поради смрт на новороденче

M T

Обвинение против заменик директорот кој истепал ученик во основно училиште во Чегране

M T

Обвинение за гостиварец кој со нож нападнал човек, чие возило било паркирано до патот

M T

Одобрено обвинението за „Поштенска банка“

M T

Обвинение за поранешниот градоначалник на Општина Битола за незаконски јавни набавки

M T