Планот за зајакнување на економската соработка меѓу Република Бугарија и Северна Македонија кој го претставивме со премиерот Петков, започнува да се реализира, соопшти вечерва премиерот Димитар Ковачевски на фејсбук.
– Денес во Скопје се одржа првата средба на владините делагации со присуство на стопанските комори од двете земји каде веќе се договорени конкретни заеднички активности.
Донесен е заклучок за соработка меѓу Фондот за иновации и технолошки развој и Фондот на фондови од Република Бугарија за развој на проекти и поддршка на компании во двете земји.
Силно верувам дека овој пристап на наоѓање заеднички интереси, проекти и решенија кои директно влијаат на подобрување на животот на граѓаните е правилниот пат за зближување на двете држави и решавање на сите отворени прашања, порача Ковачевски.
